Keratinlə saçlarını düzləşdirmək istədi, böyrəyi zədələndi - VACİB XƏBƏRDARLIQ

26 yaşlı tunisli qadın saçını düzləştirmək istəyərkən orqan çatışmazlığı ilə üzləşib.

Ölkə.Az xarici KİV-ə istinadla xəbər verir ki, bu barədə ABŞ-da nəşr olunan "New England Journal of Medicine" jurnalında məlumat yer alıb.

Qeyd edilib ki, adı açıqlanmayan qadın tərkibində qlioksilik (qlikolik asit) turşusu olan məhsullardan müntəzəm istifadə etdikdən sonra orqan çatışmazlığı yaranıb. 26 yaşlı qadında həmçinin ürəkbulanma, qusma, ishal, qızdırma və bel ağrıları müşahidə olunub.

Qadın sözügedən saç vasitələrini istifadə etməzdən əvvəl səhhətində heç bir problem olmadığını, lakin kimyəvi maddələr tətbiq edildikdə baş dərisində yanma hiss etdiyini bildirib.

Həkimlər xəbərdarlıq ediblər ki, saç düzləşdirmə prosedurlarında istifadə edilən qlioksilik turşu və onun törəmələri dəridən qana sızaraq daxili orqanlara keçə bilər. Bu nümunədə olduğu kimi, kimyəvi maddə oradan da böyrəklərə çata və orqan çatışmazlığına qədər  ağır nəticələrə səbəb ola bilir.

Sözügedən qadının 2020-ci ilin iyununda, 2021-ci ilin aprelində və 2022-ci ilin iyulunda üç dəfə eyni gözəllik salonunda tərkibində 10% qlioksilik turşu olan prosedurdan keçdiyi bəlli olub.
Qadına kəskin böyrək zədəsi diaqnozu qoyulub ki, bu da böyrəklərin qandan su və tullantı məhsulların süzülməsini dayandırması zamanı baş verən ani funksiya itkisidir.

Xəstəxanada aparılan testlər qadının qanında keratinin səviyyəsinin normadan iki dəfə çox olduğunu üzə çıxarıb.

Billurə Yunus