İranda polis məntəqəsinə hücum - ölən və yaralananlar var

İranın Sistan və Bəlucistan əyalətinin Çabahar və Rask şəhərlərində polis məntəqələrinə silahlı terror hücumları nəticəsində hüquq-mühafizə orqanlarının 3 əməkdaşı həlak olub.

Ölkə.Az xəbər verir ki, bu barədə əyalət qubernatorunun təhlükəsizlik məsələləri üzrə müavini Əlirza Mərhəməti məlumat verib.

“Axşam saat 22 radələrində terrorçular Çabaharda bir neçə polis məntəqəsinə hücum ediblər. Təhlükəsizlik və hüquq-mühafizə qüvvələrimizin köməkliyi ilə onların hücumu dəf edilib. Hücum edənələrin bəziləri  ölüb və Mərhəməti qeyd edib.

İnqilabı Keşikçiləri Korpusunun yaydığı məlumatda deyilir ki, polis məntəqələrinə hücum edən 15 terrorçu məhv edilib. 

İran mediasının yazdığına görə, polis məntəqəsinə hücum zamanı  təhlükəsizlik qüvvələrinin əməkdaşları arasında ölənlərin sayı 8-ə çatıb. 10 nəfər isə yaralanıb.

Hücumu  sünni “Ceyş əl-Ədl” qruplaşması həyata keçirib. Təhlükəsizlik qüvvələrinin üç əməkdaşının öldürüldüyü bildirilir. Regional səlahiyyətlilər terrorçuların İsraillə əlaqələri olduğunu bildirib.

Mürtəza
Ölkə.Az