"Qəbələ"nin rəqibi "Borussiya" haqda maraqlı

Sabah Avroliqanın 3-cü turunda "Bakcell Arenada" "Qəbələ" Almaniya nəhəngi "Borussiya"nı (Dortmund) qəbul edəcək.

Almaniyanın 2-ci böyük komandası sayılan "Borussiya" 1909-cu ildə yaranıb. Ev oyunlarını 80720 yerlik "Signal Iduna Park" stadionunda keçirən dortmundlular güclü azarkeş dəstəyinə malikdir. Komandanın əsas rəngləri sarı və qaradır.

Ev oyunlarına sarı-qara forma ilə çıxan Almaniya təmsilçisi səfər oyunlarında qara rəngli formaya üstünlük verir.

Almaniya liqasında sonuncu çempionluğunu 2011-2012 mövsümündə yaşayan klub ümumilikdə 8 dəfə ölkənin ən güclüsü adını qazanıb. Klub Avropa arenasında da bir çox titullar qazanıb. Qitənin ən böyük turniri olan Çempionlar Liqasını 1996-1997 ci illər mövsümündə başı üzərinə qaldırmağı bacaran almaniyalılar, elə həmin mövsüm bununla yanaşı Uefa Super Kubokunun və FİFA Qitələrarası Kubokunun sahibi olublar. 2012-2013 ci illər mövsümündə turnirin finalına qədər irəliləyə biliblər. UEFA kuboku (indiki Avroliqa-red.) turnirində də 2 final oynasalar da, çempionluq yaşaya bilməyiblər.

Keçən mövsümü heç də yaxşı keçirməyən "Qəbələ"nin rəqibi, Almaniya liqasını 7-ci pillədə başa vurdu. Avroliqanın 3-cü mərhələsindən mübarizəyə qoşulan "nemeslər", bu mərhələdə Avstriyanın "Wolzberqer AC" klubunu mübarizədən kənarlaşdırdı. Pley-off mərhələsində isə Danimarkanın "Odd" klubunu hər 2 oyunda məğlub edərək qrup mərhələsinə yüksəldi.

Yeni baş məşqçi Tomas Tuxel gəlişindən sonra mövsümə yaxşı start verən "Borussiya" , özündə Reyus, Kaqava, Aubameyang kimi ulduz futbolçular cəmləyib.

Son 2 turdan sonra 6 xalla qrup lideridir.

Ölkə.Az