NASA-dan zəlzələ xəbərdarlığı
Daha bir zəlzələ üçün kifayət edəcək
Ölkə.Az xəbər verir ki, ABŞ Milli Aeronavtika və Kosmos İdarəsi NASA (National Aeronautics and Space Administration) yaxın 3 il ərzində Los-Ancelesdə orta gücə malik zəlzələnin baş verəcəyi barədə xəbərdarlıq edib.
Andrey Donellan adlı geofizikin rəhbərlik etdiyi bir qrup NASA alimi ötən il La-Heybrda baş vermiş zəlzələni tədqiq ediblər. Onların gəldiyi qənaətə görə, yer qabığının gərginliyi hələ də qalıb və 6,1-6,3 maqnitudaya malik daha bir zəlzələ üçün kifayət edəcək.
Proqnoza əsasən, Los-Ancelesdən 100 km aralıda yeraltı toqquşmalar baş verəcək. Zəlzələnin başvermə ehtimalı 99%-a bərabərdir.
Bir müddət öncə isə London Universitetinin nüvə mühəndisi Mehran Keşe dəhşətli zəlzələnin Qərb yarımkürəsində, oktyabrın 17-də olacağını iddia etmişdi. İrandan olan Mehran Keşenin sözlərinə görə, həmin zəlzələ özünü o qədər güclü təkanlarla göstərəcək ki, onun balını müəyyən etmək belə çətin olacaq.
Keşe zəlzələ nəticəsində 40 milyon insanın öləcəyini demişdi.
Rəşid Mustafazadə
Ölkə.Az