Türkiyənin məşhur aktyorları hansı azərbaycanlı müğənniyə dəstək oldu?

Cem Yılmaz: "Rauf!"

Ölkə.Az xəbər verir ki, Türkiyənin iki məşhur aktyoru gənc azərbaycanlı müğənni Raufun mahnısını sosial şəbəkədə paylaşaraq dəstək olublar.

Onun hitə çevrilmiş “-40 dərəcə” mahnısını Türkiyənin ən məşhur komediya aktyoru Cem Yılmaz və aktyor Zafer Algöz "Twitter" hesablarında paylaşıb. Bu barədə xəbəri müğənni özü “Facebook” və “İnstagram” hesabında paylaşaraq şərh edib.

"Çox sevindiricidir. Söz tapa bilmirəm. Çox xoş oldu. Kefim açıldı", - deyə Əhmədov yazıb.

Məşhurların paylaşımlarını və sözügedən mahnını təqdim edirik:

Qeyd edək ki, Əhmədovun "-40°" mahnısı 2014-cü ilin dekabrında təqdim olunub və rəğbətlə qarşılanıb. Xatırladaq ki, sözügedən mahnı qısa müddət ərzində 1 milyondan çox baxış sayı toplayıb. "-40°" mahnısını tanınmış azərbaycanlı hitmeyker Nicat Məlikov yazıb.

Rəşid Mustafazadə

Ölkə.Az