Bakıda Beynəlxalq Caz Festivalı başlayır

25 oktyabr - 3 noyabr tarixlərində Bakıda Mədəniyyət və Turizm Nazirliyi, Azərbaycan Mədəniyyət Fondu tərəfindən Beynəlxalq Caz Festivalı keçiriləcək.
 
Ənənəvi olaraq dünyanın müxtəlif yerlərindən olan məşhur musiqiçilər şəhərimizin qonağı olacaqlar. 

Festival çərçivəsində Heydər Əliyev Sarayı, Azərbaycan Dövlət Filarmoniyası, Beynəlxalq Muğam Mərkəzində dünya şöhrətli musiqiçilərin "Diana Krall", "Four Play", "Charles Lloyd", "Ntjam Rosie" qrupunun və başqalarının çıxışları gözlənilir. 

Eyni zamanda Azərbaycanın tanınmış caz ifaçıları - Salman Qəmbərov, Cəmil Əmirov, Emil Əfrasiyab və Elçin Şirinov festival konsertlərində solo proqramlarla çıxış edəcəklər.

Ölkə.Az