Bu suriyalı Kremli bir-birinə vurdu: \"Rusiyanın əməliyyatına qarşıyam!\"

"Əsəd yarımmilyon adam öldürüb..."

Ölkə.Az xəbər verir ki, Rusiyanın "Birinci kanalın"da kuryoz yaşanıb.

Belə ki, siyasi tok-şouya dəvət olunan suriyalı ekspert çıxışı zamanı gözlənilmədən Rusiyanın Suriyadakı hərbi əməliyyatlarına qarşı çıxıb. Bu zaman digər qonaqlar onun qarşısını almağa və ucadan danışmağa başlayıblar.

"Mən demək istəyirəm ki, İŞİD doğrudan da terrorçu təşkilatdır. Ancaq onlar niyə və haradan əmələ gəliblər? Onların yaranma səbəbi ikidir. Birinci, Əsəd rejiminin öz xalqına qarşı olan qəddarlığı. Bizim hesablamalarımıza görə, yarımmilyon adam öldürülüb. İŞİD isə bir neçə min adamı qətlə yetirib. Bax, haradadır terror? Bu rejim yarımmilyonu öldürüb", - deyə ekspert bildirib.

O əlavə edib ki, yalnız suriyalılar İŞİD-ə qalib gələ bilər və bunun üçün xarici yardıma ehtiyac yoxdur. Suriyalı bununla ölkəsində Rusiyanın apardığı hərbi əməliyyatlara qarşı olduğunu ifadə edib.

Bundan sonra isə qonaqlar onun əsl terrorçu olduğunu və İŞİD-i daxildən bildiyini deyiblər.

Həmin verilişi təqdim edirik:

Rəşid Mustafazadə

Ölkə.Az