"AKP tək başına hökumət qura bilməyəcək"

Azərbaycanda olduğu kimi Türkiyədə də noyabrın 1-də parlament seçkiləri keçiriləcək.

Koalisiya qura bilməyən AKP məcburən təkrar seçkilərə getdi. 1 noyabr seçkilərinin də çox çətin keçəcəyi gözlənilir.

Türkiyədə baş tutacaq seçkilərlə bağlı praqnozlarını politoloq Fərhad Mehdiyev Ölkə.Az-la bölüşüb:

"AKP tək başına hökumət qura bilməyəcək. AKP hardasa 38-40% ətrafında səs toplayacaq. Lakin koalisiya hökumətinin qurulmasında çətinliklərin olacağını demək mümkündür. AKP-CHP koalisiyasının qurulacağı böyük ehtimaldır; MHP koalisiyaya getməyəcək. Çünki bu hökumət də qalıcı olmayacaq, müəyyən bir müddət sonra yenidən seçimlər olacaq. Buna görə MHP müxalifətdə qalmağı tərcih edəcəkdir. Bir başqa ehtimal isə AKP-HDP koalisiyasının qurulmasıdır".

Qeyd edək ki, Türkiyədə AKP, CHP, MHP və HDP-nin bir-biri ilə uzlaşa bilməməsi nəticəsində təkrar seçkilər keçirilməli oldu.

Səxavət Məmməd
Ölkə.Az