"Ana segahı" na görə yalançı göz yaşları axıtmaqdansa..." - TƏKLİF

Cəmiyyətdə Analar Günü ilə bağlı gedən müzakirələrə tanınmış pediatr Vaqif Qarayev də qoşulub.

Ölkə.Az xəbər verir ki, başqa ölkələrdə də belə bir günün olduğunu deyən həkim sözügedən təklifi dəstəkləyib:

"Bizdə Analar Günü təsis olunacaq. Yəni hələ bu barədə fikirləşirik. 8 Martda "qırğın" çox olur, yəqin Analar Günündə olmaz.

Müzakirələrdə "Atalar Günü də olsun" deyirlər. Hələ birini təsis eləyin, görək, nə olur.

Türkiyədə Analar Günü rəsmi bayram kimi qeyd olunur, Gürcüstanda da bu bayram var. Başqa ölkələrdə də olmamış olmaz.

Məncə, efirlərdə "Ana segahı"na görə yalançı göz yaşları axıtmaqdansa, rəsmi bayram kimi keçirsək, yaxşıdır!" - o söyləyib.

Qeyd edək ki, ötən gün Ailə, Qadın və Uşaq Problemləri üzrə Dövlət Komitəsinin sədri Bahar Muradova bildirib ki, cəmiyyətdəki müzakirələr nəticəsində ölkəmizdə Analar Gününün təsis olunması məsələsinə baxıla bilər.

Billurə Yunus