Rusiya İranın təsirindən qurtulmağa çalışır? - Qətərdən ŞOK
Rusiya federasiyaya sadiq zabitlər təyin etməklə Suriyadakı İran təsirindən qurtulmağa çalışır.
Ölkə.Az xəbər verir ki, bu barədə Qətərin “Əl-Ərəbi Əl-Cədid” qəzeti Suriyadakı mənbəsinə istinadən məlumat yayıb.
"Suriyanın kəşfiyyat orqanları Rusiya Federasiyasına sadiq olan bir sıra zabitləri ölkənin qərbində yerləşən Homs və Həmada hava qüvvələrinin kəşfiyyatı üçün məsul vəzifələrə təyin edib", - nəşr yazıb.
Qeyd edilir ki, Rusiya bununla Suriya təhlükəsizlik qüvvələrini İranın təsirindən çıxarmağa çalışır.
19 yanvarda da Qətərin “Əl-Ərəbi Əl-Cədid” qəzeti yeni təhlükəsizlik təyinatlarının Rusiya tərəfindən təşkil edildiyini bildirib. Mənbəyə görə, “Rusiya Əli Məmlükü (hazırda Suriya prezidenti Əsədin müşaviri) Suriyada siyasi rola hazırlayırdı”.
