Azərbaycanı istədilər: Ermənistandakı hərakatın fiaskosu
İrəvanda keşiş Baqrat Srbazan Qalstanyanın siyasi qüvvələrin nümayəndələri ilə qapalı formatda görüşü yekunlaşıb. Lakin ilkin məlumatlara görə, görüş istənilən nəticə ilə bitməyib.
Siyasi qüvvələr Paşinyan hakimiyyətinin devrilməsində və bu yolda ən optimal qüvvə kimi öndə getmək üçün erməni kiləsisini görür.
Bununla belə Ermənistandakı siyasi qüvvələrdə Paşinyan hakimiyyətini qanuni yolla devirmək və keşiş Baqrat Srbazanı müxalifətin vahid namizədi kimi baş nazir postuna irəli sürməsində tərəddüd edirlər.
Bu görüşdən sonra Ermənistan parlamentinin müxalifətçi “Mənim şərəfim” fraksiyasının rəhbəri Hayk Mamicanyan da jurnalistlərə açıqlamasında etiraf edərək bildirib ki, arxiyepiskopla görüşdə siyasi qüvvələrin konsensus təzahürünü görməyib. O, bir sıra siyasətçilər və siyasi qüvvələrlə bağlı ciddi şübhələrinin olduğunu dilə gətirib.
Keşiş Baqrat Srbazan toplantının yekunu barədə məlumat verərək deyib ki, mayın 26-na birgə mitinq keçirəcəklər. "Mayın 27-dən etibarən isə qarşıdakı planlarını reallaşdırmaq istiqamətində konkret addımlar atacaqlar", - o qeyd edib. Lakin keşiş Srbazan görüşün yekunu barədə geniş açıqlama verməkdən yayınıb. Bu isə onu deməyə əsas verir ki, görüşdə ümumi məsələlər ətrafında razılıq əldə edilsə də, lakin növbəti addımlar və Srbazanın müxalifət adından baş nazir postuna vahid namizəd məsələsində razılıq əldə edilməyib. Baqrat Srbazanın baş nazir postuna namizəd olması məsələsində siyasi qüvvələrə arasında ciddi fikirayrılıqları mövcuddur.
Belə ki, siyasi qüvvələrin bir qismi keşiş Srbazanın baş nazir postunda görmək istəmir.
İkinci qisim isə hesab edir ki, Srbazanın ikili vətəndaşlığı olduğundan Ermənistan Konstitusiyası onun baş nazir postunu tutmasına imkan vermir. Digər tərəfdən isə onun deputat olmaması ciddi qanuni yolla baş nazir postuna gəlməsində ciddi qanuni problemlər yaradır.
Srbazanın baş nazir postuna gəlmək istəyən qüvvələr isə hesab edir ki, siyasi təzyiq yolu ilə parlamentdə konstitusiyaya dəyişiklik etməklə bu problemi aradan qaldırmaq olar. Amma bu planın reallaşdırılması üçün müxalifət küçəyə lazımi səviyyədə qüvvə çıxarmalıdır. Küçəyə çıxan indiki güclə nəinki konstitusiyaya dəyişiklik etmək, heç hər hansı hakimiyyət dəyişikliyi edilməsi qeyri-mümkün görünür. Ona görə də müxalifətin birgə mitinqini mayın 19-na deyil mayın 26-na təyin ediblər. Mitinqin keçirilmə vaxtını bir həftə uzatmaqla təşkilatçılar bu müddət ərzində daha çox əhalini aksiyaya cəlb etməyi fikirləşir. Digər tərəfdən isə keşiş Srbazanın baş nazir postuna namizədliyinin alternativsizliyini təmin etmək üçün kütlə təzyiqindən faydalanmaq istəyirlər.
Amma mitinqin mənfi cəhətləri də var. Vaxtın uzadılması insanlarda yorğunluqla yanaşı, inamsızlığa səbəb ola bilər və bu qaçılmazdır. Artıq erməni cəmiyyətində keşiş Srbazanın liderliyi altında başlayan hərəkat artan templə davam etmir. Müəyyən bir səngimə müşahidə edilməkdədir və bu səngimə prosesi getdikcə sürətlənməsi də istisna deyil. Çünki aktiv narazı qüvvəni uzun müddət ayaqda saxlamaq qeyri-mümkündür. Bunu aksiyanın təşkilatçıları da yaxşı görür. Aksiya istənilən nəticəni verməyib iflasa uğradıqda başda Srbazan olmaqla digər təşkilatçılar həm erməni cəmiyyətini, həm də siyasi qüvvələri ittiham edəcəklər. Çünki Srbazanın İrəvanı küçə-küçə, qapı-qapı gəzməsinə baxmayaraq istənilən qüvvəni küçəyə çıxarmaq mümkün deyil. Əgər onlar bu qüvvəni küçəyə çıxara bilsəydilər kütləvi mitinqi mayın 18-də keçirəcəkdilər. Amma bu alınmadı. Hətta erməniləri küçələrə səsləyən Srbazan bu günlərdə belə bir ifadə işlətdi: "Hamınızı növbəti addımları planlaşdırmaq üçün görüşə dəvət edirəm. Ya bu gün, ya da heç vaxt”.
Erməni kilsəsinin və müxalifətinin uğur əldə edə bilməməsinin digər mühüm məqamı ondan ibarətdir ki, xalq hələ də Paşinyana etimad göstərir. Bu günlərdə "GALLUP"un keçirdiyi sorğuda “bir həftə sonra seçkilər keçirilərsə, erməni xalqı kimə səs verər?” sualına əhali yenə də Paşinyan komandasına etimad göstərib. Sorğuda iştirak edən respondentlərin 12,8 faizi Paşinyan komandasına səs verib.
Bu gün Ermənistanın cəmiyyətindən ən populyar lider olan keşiş Baqrat Srbazan isə sorğuda Paşinyan komandasından 4 dəfə geri qalaraq 3,9 faizlə ikinci yerdə qərarlaşıb. Robert Köçəryan və digərləri daha az səs qazanıb. Bu amil də bir daha sübut edir ki, erməni cəmiyyətinin əksəriyyəti nə kilsəni, nə də müxalifəti dəstəkləyir. Erməni cəmiyyətinin çoxluğu bu mövqeni sərgiləməklə əslində yorulduqlarını və nəhayətində nə olur-olsun Azərbaycanla sülhün əldə olunmasını istəyirlər. Sülhün əldə olunması üçün hətta güzəştlərə də hazırdırlar. Çünki görürlər ki, diktə edən tərəf Azərbaycandır və istənilən formada öz istəyinə nail olur. Elə mayən 15-də sərhədlərin demarkasiyası ilə bağlı imzalanan razılaşma protokolu da bunun bariz nümunəsidir. Erməni cəmiyyəti yaxşı bilir ki, xoşluqla olmasa, bu, güc yolu ilə olacaq.
Bütün bu amillər onu deməyə əsas verir ki, Ermənistandakı revanşist və onların havadarları iflasa məhkumdur.
Mürtəza
Ölkə.Az
