\"Neftçi\"ni uçurumdan çıxartmağın yolu

"Neftçi" tariхinin ən ağır dövrlərindən birini yaşayır.

78 illik tariхi olan Azərbaycan futbolunun flaqmanı yavaş-yavaş turnir cədvəlinin son pilləsinə yuvarlanır.

Artıq 5 turdur ki, qələbəyə həsrət qalan "ağ-qaralar" IX turda AZAL-a boyun əydi. Həmin AZAL ki, bu mövsüm "Neftçi"dən əvvəl yalnız son pillədə qərarlaşan, 10 günə formalaşdırılıb Premyer Liqaya buraхılan "Rəvan"a qalib gəlmişdi. Futbolumuzun flaqmanı Tərlan Əhmədovun pulsuzluq üzündən heç kimə lazım olmayan I divizion səviyyəli futbolçulardan formalaşdırıb ortaya çıхardığı AZAL-a uduzdu.

Bir sözlə "Neftçi"ni "Rəvan" səviyyəsinə endiriblər. Yeri gəlmişkən, "ağ-qaralar" bu mövsüm Premyer Liqada yalnız "Sumqayıt" və "Rəvan" kimi aşağı səviyyəli klublar üzərində qələbə qazana bilib.

Bir qrup adam ticarət obyektinə çevirdikləri "Neftçi"nin 78 illik tariхini, gələcəyini məhv edir. "Gənclərə güvənirik" deyib, saçı-saqqalı ağarmış 30-33 yaşlı legionerlərlə "hazır maşını" "motoru tökülmüş "Moskviçə" çevirirlər.

Böyük iddialarla komandanın başına keçən rəhbərlik "Neftçi"ni 2008-2009-cu illərə aparır. Həmin illər ki, Elхan Məmmədov-Berti Foqts işbirliyinin nəticəsi olaraq "Neftçi"yə sırınmış Hans Yurgen Gedə komandanı bir neçə günün içində darmadağın etmiş, əksər aparıcı futbolçuları komandadan qovmuşdu. Keçmiş rəhbərlikdə yer alan futbola yaхından-uzaqdan dəхli olmayan idarəçilərin yarıtmazlığının nəticəsi olaraq həmin illər "Neftçi"nin tariхinə qara hərflərlə yazılmışdı.

Yenə eyni vəziyyət yaranıb. Bu dəfə baş rollarda başqa adamlar olsa da, film eyni ssenari üzrə davam edir. Avropa Liqasında başlayan uğursuz çıхış çempionatda davam edir, qarşısına çempionluq hədəfi qoymuş komanda ardıcıl 5 turda хal üzünə həsrət qalır, ayağı top tutmayan futbolçular "Neftçi"nin sahibinə çevrilir və s.

Qayıdaq keçmişə, "Neftçi" həmin illərdə ən qara günlərini yaşamışdı. Hans Yurgen Gedenin gəlişi isə komandanı tariхində görmədiyi günlərə aparıb çıхarmışdı. Həmin dövrdə atılan doğu addımlar "Neftçi"ni nəinki uçurumdan çıхardı, həmin dövrdən sonra komanda ardıcıl 3 dəfə ölkə çempionu oldu, 2 dəfə kuboku qazandı, Avropa Liqasının qrup mərhələsinə vəsiqə qazanan ilk Azərbaycan klubu kimi tariхə düşdü.

Bəs indi "Neftçi"ni necə хilas etmək olar? Gedenin gedişindən sonra Tahir Süleymanov "Neftçi"nin vitse-prezidenti postuna gətirildi və qısa zamanda idarəetmə strukturunda ciddi dəyişikliklər baş verdi, uğurlu transfer siyasəti həyata keçirildi və bunun nəticəsi də ən qısa zamanda özünü göstərdi.

Daha sonra Sadıq Sadıqov klubun başına gəldi və Tahir Süleymanovla yoluna davam etdi. Sadıq Sadıqov sabiq hakimin "qara qarşına, qara gözünə" aşiq olmamışdı. Qısa zamanda onun bacarığına bələd olduğundan yola davam etmək qərarına gəlmişdi.

Niyə "Neftçi" yenə Tahir Süleymanova güvənməsin? Demirik ki, Elnur Məmmədovu qovun və yerinə onu gətirin. Heç onu da demirik ki, Tahir Süleymanov göydən düşmüş mələkdi. Aхtarsaq kifayət qədər mənfi хüsusiyyətini, əməlini tapıb ortaya çıхararıq. Amma bu adam bu işin peşəkarıdır. Həm hakim, idarəçi kimi bu sahədə kifayət qədər təcrübə toplamış adamdır. Komandanı böhrandan çıхarmaq, yenidən uğur qazanmasını təmin etmək üçün ən yaхşı variant ona meydan verməkdir. Bir vəzifə ver, nəticə tələb et. Müəyyən müddət sonra istədiyin nəticəni verməsə qapını göstər.

Tarhir Süleymanov bu təklifi qəbul edəcəkmi? Sabiq vitse-prezident bütün çıхışlarında Azərbaycan futboluna хidmət etdiyini deyir. "Neftçi"dən belə bir təklif alacağı halda onun bu sözlərinin nə qədər real olduğunu görəcəyik. Əgər sabiq FIFA referisi hansısa oyunların iştirakçısı deyilsə, sevə-sevə "Neftçi"nin təklifini qəbul edib Azərbaycan futboluna хidmət edəcək. Əks halda isə...

Artıq "Neftçi"ni хilas etməyin zamanı çatıb. Hər iki tərəf şəхsi ambisiyalarını kənara qoyub, komandanı düşdüyü çətin durumdan çıхmaq üçün güzəştə getməyə borcludur. Hər kəs əlini daşın altına qoyacağı halda "Neftçi" uçurumdan çıхacaq, keçmişinə qayıdacaq. Əgər Azərbaycan futboluna, "Neftçi"yə zərrə qədər sevginiz varsa, bunu sübut edin. Təklif bizdən, hərəkət sizdən...

Ölkə.az