Neftçala sakini həmyerlisini bıçaqladı

Neftçala rayonunda bıçaqlanma hadisəsi baş verib.

Hadisə bu gün axşam saatlarında rayonun Qaçaqkənd kəndində qeydə alınıb.

Həmin kəndin sakini, 1988-ci il təvəllüdlü Fərrux Allahverdi oğlu Səmədov mübahisə zəminində həmkəndlisi Səbuhi adlı şəxs tərəfindən döş qəfəsindən 3 bıçaq zərbəsi alıb. Yaralı yaxınları tərəfindən dərhal Salyan rayon mərkəzi xəstəxanasına çatdırılıb. Cərrahiyyə şöbəsinə qaldırılan Fərrux Səmədov əməliyyat olunub. Vəziyyətinin ağır olduğu bildirilir.

Faktla bağlı Neftçala rayon Polis şöbəsində araşdırma aparılır. (APA)

Ölkə.Az