Tələbələr Davudoğlunu pis vəziyyətə saldı

"Bizim etiqad etdiyimiz islam İŞİD-ə qarşıdır"

Ölkə.Az xəbər verir ki, Türkiyənin baş naziri Əhməd Davudoğlu İstanbul Universitetinin tələbələri ilə görüşdə çətin vəziyyətə düşüb.

Tələbələr Türkiyənin İŞİD terror təşkilatına münasibəti ilə bağlı həssas suallar ünvanlayıblar. Bildirilir ki, tələbələrdən biri Türkiyə hökumətini İŞİD-ə dəstək verməkdə ittiham edib.

Buna cavab olaraq Davudoğlu deyib:

"Bir baxın mənə, bəyəm mənim üzüm terrorçulara ortaqlıq edən şəxsin üzünə bənzəyirmi? Bizim etiqad etdiyimiz islam İŞİD-ə qarşıdır. Biz onlara qarşı fəaliyyətə başlamışıq", - deyə Davudoğlu qeyd edib.

Xatırladaq ki, bir müddət öncə Davudoğlu müsahibələrindən birində İstanbulda liseydə təhsil aldığı dövrlərdən söz açıb. Davudoğlu bir dəfə oxuduğu şeirə görə sol fikirli sinif yoldaşları tərəfindən döyüldüyünü etiraf edib. Onun sözlərinə görə, o illərdə məktəb şagirdləri belə sol və sağ fikirlilər olmaqla, iki qrupa bölünürdülər.

Baş nazirin danışdığı əhvalat sosial şəbəkələrdə müzakirələrə səbəb olub. "Twitter"də Kazim Olmez adlı istifadəçi yazıb:

"Ola bilsin, şeiri pis ifa edib, buna görə də payını alıb".

Türkiyənin baş naziri Əhməd Davudoğlu yenidən Ədalət və İnkişaf Partiyasının sədri seçilib.

İyulun 9-da prezident Ərdoğan 63-cü hökuməti qurmaq səlahiyyətini AKP lideri Əhməd Davudoğluna versə də, CHP və MHP ilə məsləhətləşmələrdən sonra koalisiya hökumətini qurmaq mümkün olmayıb.

Rəşid Mustafazadə

Ölkə.Az