Azərbaycan hərbçiləri Minskdə hərbi paradda iştirak edəcək

İyulun 3-də Belarusda Müstəqillik Günü şərəfinə keçiriləcək Minsk paradında Belarus hərbçiləri ilə birlikdə Rusiya, Qazaxıstan və Azərbaycan hərbçiləri iştirak edəcək.

Ölkə.Az xəbər verir ki, bu barədə Belarus Müdafiə Nazirliyi məlumat yayıb.

“Hazırda bizim 26 parad heyətimiz var. Xarici qoşunların gəlişi nəzərə alınmaqla onların sayı artacaq. Artıq Rusiya, Qazaxıstan və Azərbaycan tərəfindən təsdiq edilib”, - deyə Minsk Hərbi Komendantlığının hərbi komendantı, polkovnik Dmitri Jukovski bildirib. 

Paradda 5 minə yaxın hərbçinin iştirak edəcəyi gözlənilir. Onların da 150-si qadındır.

Mürtəza
Ölkə.Az