Ramin Hacılı tapıldı

Artıq 2 gündür itkin düşdüyü haqda xəbərlər yayılan Azərbaycan-Avropa hərəkatının lideri, deputatlığa namizəd, Ümid partiyasının sədr müavini Ramin Hacılı üzə çıxıb.

Ramin Hacılı bu dəqiqələrdə öz "Facebook" səhifəsində status yazaraq heç yerə qaçmadığını, bir həftəyə hər şeyə aydınlıq gətirəcəyini bildirib.

Statusu olduğu kimi sizə təqdim edirik:

"Dostlar mən heç yerə qaçmamışam. Ayın ikisi Bakıda olacam. Ciddi problem səbəbindən Türkiyədəyəm. İki gün yolda oldum. Kiməsə xəbər edə bilmədim. Yaxşı oldu, dost və düşmən kəsilən bilindi, kiməsə borcum yoxdur. İş görürəm və bu əsnada alınmayan işlərə görə qaytaracaqlar var və onlar da bir həftə gözləyəcək. Gəlib həll edəcəm. Bir qrupun iddia etdiyi kimi külli miqdarda borcum yoxdur. Gəlincə məhkəməyə müraciət edəcəm və həqiqəti ortaya çıxaracam. Fürsətçilik etməyin. Adamın başına iş gələr. Lütfən bir həftə gözləyin".

Ölkə.Az