Tanınmış müğənniyə məzar daşı qoyuldu - FOTO

Apreldə vəfat edən tanınmış müğənni Züleyxa Rəhimiyə məzar daşı qoyulub.

Ölkə.Az xəbər verir ki, onun məzar daşında sevə-sevə oxuduğu mahnılardan aşağıdakı parçalar yer alıb.

“Sevirəm çəməndə gülü, çiçəyi,
Gələndə ilk bahar xatırla məni.
Öpsün yanağımı dağlar küləyi,
Güləndə rüzigar xatırla məni…

Bo tifili tifil bedə,
Bo cohuli cohul bedə,
Bə ohuli ohul bedə,
Məvot tojəy, kanəy dınyo…”

Qeyd edək ki, Z. Rəhimi 1937-ci ildə anadan olub. 13 yaşında ikən Suraxanıda yerləşən mədəniyyət evində fəaliyyət göstərən ansamblda solist olub. Orada beş il çalışıb. 1969-cü ildə Asəf Zeynallı adına musiqi məktəbində xanəndəlik sinfində təhsil alıb. 1988-ci ildə Bakının Kürdəxanı qəsəbəsində yerləşən mədəniyyət evində ansamblın rəhbəri olub. 

Təhsilini başa vurduqdan sonra ailə həyatı qurub. Bu izdivacdan onların bir oğlu olub. Lakin evlilikləri uğursuz nəticələnib və oğlunun iki yaşı olanda onlar ayrılıblar. Züleyxa xanım bir də heç vaxt ailə qurmayıb. O, tədricən musiqi sənəti ilə yollarını ayırmağa da məcbur olub.

Onun repertuarında “Qubanın ağ alması”, “Qarabağ, ay Qarabağ”, “Xatırla məni” və s. musiqiləri məşhurdur.

Müğənni aprelin 27-də 87 yaşında qaraciyər xərçəngindən dünyasını dəyişib.

Billurə