Türkiyənin ilk yerli avtomobili

Türkiyənin ilk milli avtomobilinin ilk dəzgahdan çıxan nüsxəsi 5 milyon lirəyə satılıb.

Ölkə.az xəbər verir ki, Türkiyənin ilk yerli avtomobili bir iş adamı tərəfindən alınıb.

Birinci avtomobilə 5 milyon YTL, yəni 1 727 047 dollar ödəyən şəxs bunu Türkiyənin milli avtomobil sənayesinə dəstək kimi qiymətləndirib.

Türkiyənin sənaye və texnologiya naziri Fikri İşıq isə bu pula avtomobil zavodunun yerləşdiyi Qəbzə şəhərində bir məktəb tikiləcəyini bildirib.

Xatırladırıq ki, yerli şirkətlərin üzərində illərdir işlədiyi milli avtomobil layihəsi artıq başa çatıb və Türkiyə 2016-cı ildən bu avtomobillərin kütləvi istehsalını planlaşdırır.

Ölkə.az