Pərviz Şahbazov türkiyəli həmkarı ilə görüşüb
Energetika naziri Pərviz Şahbazov Azərbaycanda səfərdə olan türkiyəli həmkarı Alparslan Bayraktarla görüşüb.
“Report” “TRT Haber”ə istinadən xəbər verir ki, türkiyəli nazir Beynəlxalq Xəzər Neft və Təbii Qaz sərgisində iştirak etmək üçün Bakıya gəlib.
Azərbaycan və Türkiyə arasında enerji sahəsində əməkdaşlığın bütün dünyada təqdir olunduğunu deyən Bayraktar əməkdaşlığın təkcə iki ölkənin iqtisadiyyatına deyil, həm də regiona, xüsusilə də Avropanın enerji təhlükəsizliyinə və neft bazarlarının daha balanslı olmasına töhfə verdiyini vurğulayıb.