Əli Şamxanidən İrandakı seçkilərlə bağlı xəbərdarlıq

İranın ali rəhbəri ayətullah Seyid Əli Xameneinin xüsusi nümayəndəsi, İranın ali təhlükəsizlik şurasının sabiq katibi, admiral Əli Şamxani iyunun 28-də ölkədə keçiriləcək növbədənkənar prezident seçkilərini fürsət və təhdid kimi qiymətləndirib.

Ölkə.Az xəbər verir ki, bu barədə Əli Şamxani öz sosial şəbəkə hesabında yazıb.

"Prezidentliyə qeydiyyatdan keçmiş namizədlərin sayı və tərkibi seçkilərdə ciddi rəqabətin formalaşmasından xəbər verir. Bu həm fürsətdir, həm də təhlükədir", - Şamxani qeyd edib.

O daha sonra əlavə edərək qeyd edib: "Bütün namizədlər və onların tərəfdarları yadda saxlamalıdırlar ki, insanın nəzakəti onun hökumətinə olan münasibətindən asılıdır". 

Qeyd edək ki, İranın ali rəhbəri Seyyid Əli Xamenei də seçkilərlə bağlı mövqeyini açıqlayaraq deyib ki, seçkilərdə əxlaq üstünlük təşkil etməlidir. "Şər, böhtan atmaq nəinki tərəqqiyə kömək etmir, həm də milli reputasiyaya xələl gətirir", - o qeyd edib.

İnqilab lideri aydınlaşdırıb ki, seçkilər mərhələsi şərəf və dastan mərhələsidir. "Səhnə xidmət üçün rəqabətdir. Hakimiyyət qazanmaq üçün çəkişmə deyil".

Onu da xatırladaq ki, iyunun 28-də keçiriləcək növbədənkənar prezident seçkilərində iştirak etmək üçün iyunun 278 namizəd müraciət edib və onlardan 80-i rəsmi qeydiyyata alınıb. 

Lakin onların heç də hamısı seçkilərdə namizəd olmayacaq, çünki daha 7 gün ərzində namizədin prezidentliyə uyğun olub-olmadığını müəyyən etmək üçün onların işinə Konstitusiyanın Keşikçilər Şurası baxacaq. İştirakçıların yekun siyahısı iyunun 11-də açıqlanacaq.

Mürtəza
Ölkə.Az