Türkiyədə əməliyyat - 30 nəfər saxlanıldı

Türkiyənin Ordu, İzmir, Kocaeli, Antalya, Tekirdağ və Ankara vilayətlərində “KUYU-3” əməliyyatları keçirilib.

“Qafqazinfo” xəbər verir ki, bu haqda ölkənin Daxili İşlər Naziri Ali Yerlikaya sosial media hesabında məlumat verib.

O qeyd edib ki, əməliyyatlar zamanı 30 şübhəli saxlanılıb:

Ordu şəhərində yerləşən 5 vilayətdə iki ayrı Mütəşəkkil Cinayət Təşkilatına qarşı “KUYU-3” əməliyyatı keçirilib. Keçirilən əməliyyatlar zamanı mütəşəkkil cinayətkar dəstənin üzvü olan 30 şübhəli saxlanılıb.

İstəyirəm əziz millətimiz bilsin ki, istənilən ölçüdə mütəşəkkil cinayətkar təşkilatları sıradan çıxarmaq və onları məsuliyyətə cəlb etmək əzmindəyik.

Millətimizin duaları və dəstəyi ilə mütəşəkkil cinayət təşkilatlarına qarşı əməliyyatlarımız həm səhər, həm də axşam saatlarında qətiyyətlə davam edəcək”.