Qazlı içkilər yuxusuzluğa səbəb olur

Aparılan araşdırmaya görə, işlənmiş hazır qidalar, qazlı və energetik içkilər xroniki yuxusuzluğa səbəb ola bilər.

Ölkə.Az xarici KİV-ə istinadla xəbər verir ki, bunu Fransanın Sorbon Paris Nord Universitetinin tədqiqatçıları müəyyən ediblər.

Təxminən 40 min yetkin insanın qidalanma və yuxu rejimini təhlil etdikdən sonra işlənmiş qida istehlakı ilə xroniki yuxusuzluq arasında əhəmiyyətli  əlaqə olduğu üzə çıxıb.

Bildirilir ki, hazır qidalarda rəngləndirici kimi kimyəvi əlavələrin olması ilə yanaşı, həm də tərkibində vitamin və lif azdır.

Son araşdırmalar bu qidaların piylənmə, ürək xəstəlikləri, diabet və bağırsaq xərçəngi də daxil olmaqla cəmi 32 xəstəliyə səbəb ola bilməsi ehtimalını üzə çıxarıb.