Xamneyidən ABŞ-a ittiham

İranın Ali dini lideri Ayətullah Əli Xamneyi Qərb ölkələrini terrorizmə dəstək verməkdə tənqid edib.

Xamneyi İŞİD-in ABŞ və İngiltərə tərəfindən yaradıldığını bildirib: "Bu ökələr İŞİD-in yaradılmasında iştirak ediblər".

İrann Ali dini lideri həmçinin hər iki dövləti "əl-Qaidə"ni yaratmaqda ittiham edib: "Onların bu təşkilatları yaratmaqda məqsədləri şiə və sünnilər arasında ixtilaf salmaq və İranla mübarizə aparmaqdır, lakin indi onlar özləri "İŞİD"ilə mübarizəyə başlayıblar".

Xamneyi bildirib ki, ABŞ və müttəfiqlərinin İŞİD silahlıları ilə mübarizə üzrə səyləri terrorçuluğun kökünü kəsmək əvəzinə, müsəlmanlar arasında ixtilafa gətirib çıxaracaq. (anspress)

Ölkə.Az