Türkiyədə meşə yanğını gücləndi: İnsanlar təxliyə edilirlər - VİDEO

Manisanın Salihli rayonunda başlayan meşə yanğını güclənib.

Bununla əlaqədar iki məhəllə ehtiyat tədbiri olaraq boşaldılıb. Dibek dağının ətəyində küləyin təsiri ilə sürətlə yayılan yanğın Yağbasan və Karasavcı məhəllələrinə doğru istiqamətlənib. Müvafiq olaraq 200 nəfər və 230 nəfərin yaşadığı iki məhəllə təxliyə edilib.

Yanğına havadan və qurudan müdaxilə davam edir. Yanğının söndürülməsi işlərinə beş təyyarə, dörd helikopter, 12 suçiləyici, iki su təchizatı maşını və üç buldozer cəlb olunub, lakin güclü külək çətinliklər yaradır.

Həmçinin yanğına müdaxilə edən iki işçi tüstüdən zəhərlənib və yerində ilkin tibbi yardım göstərilərək xəstəxanaya yerləşdirilib.

***

Türkiyənin Manisa vilayətinin Salihli rayonunda meşəlik ərazidə yanğın baş verib.

Yanğına xilasetmə qüvvələri tərəfindən havadan və qurudan müdaxilə edilir.

Dörd təyyarə, üç helikopter, 10 suçiləyici, iki su təchizatı maşını və iki buldozerin iştirakı ilə yanğının söndürülməsi işləri davam edir.