Aİ-dən Gürcüstana XƏBƏRDARLIQ: Qapılar bağlana bilər

Avropa İttifaqının (Aİ) qapıları Gürcüstana açıqdır, lakin Gürcüstan hökuməti  getdiyi yolu davam edərsə, o zaman bu qapı bağlanacaq.

Ölkə.Az xəbər verir ki, bunu Aİ-nin xarici işlər və təhlükəsizlik siyasəti üzrə ali nümayəndəsi Cozef Borel deyib.

“Biz Gürcüstandakı vəziyyəti müzakirə edəcəyik. Aİ-nin qapısı Gürcüstan üçün açıqdır, amma hökumət getdiyi yolu, eyni hərəkətləri davam etdirsə, bu qapı bağlanacaq və gürcü xalqı bunun bədələni ödəməli olacaq. Çünki Avropa perspektivi azalacaq, yaxud bəlkə də tamamilə ləğv ediləcək. Biz ciddi problemdən danışırıq. Belə davam edərsə, Aİ-nin qapıları açılmayacaq”, - Borel vurğulayıb.

Ali komissar bildirib ki, iyunun 24-də Aİ-yə üzv ölkələrin xarici işlər nazirlərinin görüşündə Gürcüstan məsələsinin müzakirə olunacağı, xüsusilə Aİ-nin qısa və uzunmüddətli perspektivdə görə biləcəyi tədbirlərə dair sənəd təqdim ediləcək.

“Bu gün heç bir qərar verilməyəcək. Lakin qısa müddətdə tədbirlər görülə bilər, məsələn, ən yüksək səviyyədə siyasi təmasların dayandırılması, eləcə də birbaşa dövlətin maliyyələşdirilməsinə yönəlmiş müəyyən maliyyə dəstəyinin dayandırılması ola bilər. Biz bu tədbirlərin vətəndaşlara təsir etməsini istəmirik”, -  Borel yekunlaşdırıb.

Mürtəza
Ölkə.Az