"Konstruktiv" Suriya müxalifətçilərinin siyahısı hazırlanır

Rusiya və Səudiyyə Ərəbistanı danışıqlara hazır olan Suriya müxalifətçilərinin siyahısını tərtib ediblər.

Ölkə.az xəbər verir ki, Rusiya XİN başçısının müavini Mixail Boqdanov Venada Suriya probleminin həlli üzrə formalaşmış "dördlüyün" iclasından sonra bu haqda xəbər verib.

"Səudiyyə Ərəbistanı bizə öz siyahısını təqdim etdi, amerikalılar isə hələlik ancaq vəd verirlər", deyə Boqdanov bildirib.

Xatırladırıq ki, artıq 4 ildir daxili müharibənin davam etdiyi Suriyada Rusiyanın müdaxiləsi ilə vəziyyət kökündən dəyişib. Rus aviasiyasının Əsədə müxalif olan qüvvələri bombalaması Suriya müxalifətinin Qərb tərəfindən dəstəklənən hissəsinin zərbələr almasına səbəb oldu. Bununla da Rusiyanın hərbi müdaxiləsinə qarşı çıxan ABŞ başda olmaqla Qərb, Suriya probleminin həlli üçün ABŞ, Rusiya, Səudiyyə Ərəbistanı və Türkiyədən ibarət "dördlük" yaratdı.

Ölkə.az