Blatter: \"Bizim planımızı Platini pozdu\"

"FİFA rəhbərliyi 2018 və 2022-ci illərdə futbol üzrə dünya çempionatının Rusiya və ABŞ-da keçirilməsi haqda əvvəlcədən razılaşımışdı, amma səsverməyə bir həftə qalmış UEFA qərarını dəyişdi və 2022-ci il dünya çempionatını Katara verdilər".

Ölkə.az xəbər verir ki, bu fikirləri FİFA-nın prezidenti Yozef Blatter səsləndirib. O, "The Financial Times"a verdiyi açıqlamasında "pərdəarxası diplomatik sövdələşmədən" danışıb. Sövdələşmə zamanı dünya birinciliyinə ev sahibliyi etmək hüququ iki nəhəng dövlətə verildi - Rusiya və ABŞ-a, amma son anda Fransa prezidenti Nikola Sarkozinin işə qarışmasından sonra 2022-ci il dünya çempionatını Katara verdilər. Qəzetin yaydığı materialda belə deyilir.

Blatterin sözlərinə görə, səsvermənin taleyini UEFA prezidenti Mişel Platini Katara səs verməklə həll edib.

Ölkə.az