Cem Qəriboğlu həbsxanadan qaçırılıb?
Bir neçə gün öncə xəbər verdiyimiz Cem Qəriboğlunun intiharı xəbəri ətrafında müəmmalı şaiyələr dolaşır.
Belə ki, sevgilisini mişarla doğrayan qatil Cem Qəriboğlu yatdığı Silivri həbsxanasında özünü asaraq intihar etmədiyi, əvəzində həbsxanadan qaçırıldığı iddiası ortaya atılıb.
Ölkə.Az türk mediasına istinadən xəbər verir ki, Münəvvər Qarabuludun ailəsinin vəkili Silivridə Cem Qəriboğlunun həqiqətən öldüyünü təstiq edən görüntüləri görmək üçün ora yollanıb.
Münəvvər Qarabuludun ailəsinin vəkili Rezan Epözdəmir, Cemin öldürülmədiyini, bu bahənə ilə həbsxanadan qaçırılma iddiasına son qoymaq üçün Silivri prokurorluğuna gedərək Cemin meyitinin yarılması zamanı çəkilən görüntülərlə bağlı monitorinq tələb edib.
Sosial media və mətbuatda hadisənin intihar deyil, həbsxanadan qaçırılma olduğuna aid şübhələr geniş yayılınca, ailənin tələbini nəzərə alaraq bu mövzuda Silivri prokuroruna müraciət ünvanlanıb.
"Baş prokuror və müstəntiq ilə görüşdüm. Prokuror tələbimizi dəyərləndirəcəyini bildirdi, amma tələbimizin qəbul olunması normal deyil. Cem Qəriboğlu paltar ipini 3 dəfə boynuna dolayıb, 2 dəfə isə düyün atıb", deyə Qarabulud ailəsinin vəkili jurnalistlərə açıqlamasında bildirib.
Silivri həbsxanasındakı araşdırma tam 6 saat sürüb. Hətta hadisə ilə əlaqədar baş prokuror həbsxanaya yollanıb, ancaq sonda bəlli olub ki, Cem Qəriboğlunun həbsxanadan qaçmaq kimi heç bir şansı olmayıb. Hadisə isə tam anlamıyla bəlldir- İntihar.
Xatırladırıq ki, cümə günü səhər saatlarında Cem Qəriboğlunun təkadamlıq kamerasında intihar etməsi xəbəri Türkiyə gündəmini dəyişmişdi.
Hadisəyə barədə rəy bildiriən sosial şəbəkə istifadəçiləri, ictimai xadimlər və hüquq müdafiəçiləri qatilin bu qədər vaxt gözləyib, sonra intihar etməsinin inandırıcı olmadığını bildirirdilər.
Hətta Qəriboğlunun ölmədiyi, həbsxanadan qaçırılıdığı və bu hadisəyə intihar bəzəyi verildiyi iddiaları da səslənməkdədir. Hətta bəzi sosial şəbəkə istifadəçiləri bildiriblər ki, öldürülən bir başqasıdır və həmin cəsəd saxtakarlıqla qatilin kamerasına qoyulub.
Qeyd edək ki, 5 il bundan əvvəl öz sevgilisi Münəvvər Qarabuludu qısqanclıq zəminində vəhşicəsinə qətlə yetirərək, daha sonra mişarla doğrayıb zibil yeşiyinə atan Cem Qəriboğlu bir neçə gün bundan öncə yatdığı Silivri həbsxanasında özünü asaraq intihar etmişdi.
Fatimə
Ölkə.az
