İŞİD-in bayrağı Vatikanda

İŞİD Vatikana da iddialıdır

Ölkə.Az İtaliya mətbuatına istinad edərək xəbər verir ki, İŞİD terror təşkilatı internet jurnalının üz qabığına fotomontajla təşkilatın bayrağı ucaldılmış Müqəddəs Pyotr Meydanının fotoşəklini yerləşdirib.

İŞİD-in təbliğat orqanı jurnalın üz qabığına Vatikanın məşhur Müqəddəs Pyotr Meydanında fotomontaj vasitəsilə təşkilatın bayrağı ucaldılmış halda göstərən şəklini qoyub.

İraq və Suriyada təşkil etdiyi terror hərəkətləri və işğalları ilə, eyni zamanda, dünya gündəmini də işğal edən İŞİD-in "Dabiq" adlı jurnalının üz qabığında "Səlib yürüşləri müvəffəqiyyətsiz oldu" başlığı altında verilən fotomontajlı şəkil İtaliya mediasında geniş əks-səda doğurub. 

İtalyan mətbuatında çıxan xəbərlərdə bunun İŞİD-in ilk təxribatı olmadığı vurğulanaraq, 22 Sentyabrda təşkilatın spikeri Əbu Məhəmməd Əl Adnaninin "Allahın izni ilə Romanı fəth edib xaçları qıracağıq" kəlməsi xatırlanıb. İtaliya hökuməti ilə Vatikan hələki bu mövzu ilə bağlı hər hansı rəsmi açıqlama verməyib. 

İtaliya Daxili İşlər naziri Angelino Alfanonun keçən ay Romanın da İŞİD-in hədəfləri arasında olduğunu bildirməsinin ardından böyük şəhərlərdə təhlükəsizlik tədbirləri gücləndirilib.

Rəşid Mustafazadə

Ölkə.Az