"İKT-nin sürətlə inkişafı gəncliyi nəzarətdə saxlamağa imkan vermir" - Elşad Mirbəşir

Hazırda dünyada mənəvi-əxlaqi aşınma sürətlə getməkdədir və  biz gəncliyimizi bu aşınmalardan qrumaq üçün ciddi şəkildə  düşünməliyik.

Ölkə.Az xəbər verir ki, bunu deputat Elşad Mirbəşir parlamentin bu gün keçirilən iclasında deyib. 

Onun sözlərinə görə,  zənginlik ola bilər, amma  mənəviyyat olmadan   cəmiyyətin uğurundan danışmaq mümkün deyil. 

“Bu gün Azərbaycanda gənclərimizdə milli-mənəvi, əxlaqi dəyərlər yüksək səviyyədədir. Biz buna 44 günlük müharibə zamanı da şahidi olduq. Biz bu müsbət tendensiyanı qorumalıyıq”, - o qeyd edib.
 
Əlavə edib ki, qloballaşan proses bizdən asılı olan məsələ deyil və bunun bir çox mənfi tendensiyaları olacaq. “İKT-nin sürətlə inkişafı gəncliyi nəzarətdə saxlamağa imkan vermir, müəyyən çətinliklər yaradır. Amma buna baxmayaraq gəncləyimizin mənəvi əxlaqi keyfiyyətlərinin qorunmasına ciddi şəkildə çalışmalıyıq. Bu istiqamətdə addımlar atmalıyıq”, - o bildirib.

Mürtəza
Ölkə.Az