“Fənərbağça” iki ulduz futbolçu ilə anlaşdı
“Fənərbağça” 2 ulduz futbolçunu transfer etmək üzrədir.
Metbuat.az Türkiyə mediasına istinadən xəbər verir ki, Lazar Samardziç və Alvaro Morata ilə danışıqlar aparan "Fənərbağça" məhsuldar görüşlər keçirib. "Hürriyet" qəzetinin xəbərinə görə, "Fənərbağça" Lazar Samardziç üçün "Udineze"yə 14 milyon avro + bonus təklif edib. Xəbərdə serbiyalı yarımmüdafiəçi Samarjiçin transferində Tadiç və "Udineze"nin sabiq futbolçusu Bekaonun da vasitəçi olduğu bildirilib.
"Fənərbağça"nın Alvaro Morata üçün isə 15 milyon avro təklif etdiyi deyilir.İspan hücumçunu başqa klublar istəsə də, hücumçu Mourinyo faktoruna görə "Fənərbağça"ya üstünlük verir.
