İranda prezident seçkilərinin ikinci turu iyulun 5-nə təyin olunub - YENİLƏNİB

İranda keçirilən seçkidə prezidentliyə namizədlərdən heç biri 50 faizdən çox səs toplaya bilmədiyindən ikinci tur təyin olunub.

Bu barədə İran Mərkəzi Seçki Komissiyası bildirib.

Məlumata görə, prezident seçkilərinin ikinci turu iyulun 5-nə təyin olunub.

Bu turda Məsud Pezeşkian və Səid Cəlili iştirak edəcək.

***
İranda seçkilərin nəticələri - Azərbaycanlı namizəd liderdir

İranda prezident seçkilərinin növbəti ilkin nəticələri açıqlanıb. 

Ölkə.Az İRNA-ya istinadən xəbər verir ki, islahatçıların namizədi milliyətcə azərbaycanlı olan Məsud Pezeşkian mühafizəkarlaırn namizədini Səid Cəlilini bir milyondan artıq səs fərqi ilə qabaqlayır.

İran seçki qərargahının sözçüsü Möhsün Eslami növbəti nəticələri açıqlayaraq bildirib ki, ən çox səs toplayan namizəd Məsud Pezeşkiandır. 

Məsud Pezeşkian inddiyədək hesablanan sələrin 8 milyon 302 min 577-ni qazanmaqla liderliyini qoruyub saxlamaqdadır.

Səid Cəlili 7 milyon 189 min 756 səslə ikinci, Məhəmməd Baqir Qalibaf 2 milyon 676 min 512 səslə üçüncü, Mustafa Purməhəmməd isə 158 min 314 səslə sonuncu yerdə qərarlaşıb. 

Qeyd edək ki, seçkinin nəticələri göstərir ki, əsas mübarizə islahatçıların namizədi Məsud Pezeşkianla loyal mühafizəkarların və İbrahim Rəisi siyasətinin davamçısı Səid Cəlili arasında gedir.

***
İranda  prezident seçkilərinin növbəti  ilkin nəticələri  açıqlanıb. 

Ölkə.Az İRNA-ya istinadən  xəbər verir ki,  indiyədək 408 şəhərdə 37024  seçki məntəqələrində səslər hesablanıb.
 
İran seçki qərargahının sözçüsü Möhsün Eslami 14-cü prezident seçkilərinin  sonuncu yeddinci statistikasının  nəticələrini açıqlayaraq deyib ki,  37024 məntəqədə 14 milyon 70 min 462 seçicinin səsi  hesablanıb.

Son nəticələrinə görə, seçkinin əsas favoriti islahatçıların namizədi Məsud Pezeşkiandır. 
Beləliklə, Məsud Pezeşkian - 5 milyon 955 min 781 səslə  seçki siyahısına liderliyini qoruyub saxlamaqdadır.

Səid Cəlili  5 milyon 560 min 321 səslə ikinci,  Məhəmməd Baqir Qalibaf 1 milyon 891 min 385 səslə üçüncü, Mustafa Purməhəmməd isə 111 min 967 səslə sonuncu yerdə qərarlaşıb. 

Qeyd edək ki, seçkinin nəticələri göstərir ki, əsas  mübarizə islahatçılaırn namizədi Məsud Pezeşkianla  loyal mühafizəkarlaırn və İbrahim Rəisi siyasətinin davamçısı Səid Cəlili arasında gedir.

 Mürtəza
Ölkə.Az
***
İranın "İRNA" agentliyində qeyd olunan məlumata əsasən, 343 şəhərdə hesablanmış seçki məntəqələrinin ümumi sayı 27938-dir. Bu şöbələrdə cəmi 10 milyon 366 min 410 səs sayılıb.

Hesablanan səslərə uyğun nəticələri qeyd edirik:

Səid Cəlili -  4 milyon 266 min 386 səs

Məsud Pezeşkian - 4 milyon 244 min 815 səs

Məhəmməd Baqer Qalibaf- 1 milyon 385 min 83 səs

Mustafa Purməhəmmədi- 80 min 506 səs

***
(06:23)

İranda növbədənkənar prezident seçkilərinin nəticələrinin 4-cü elan statistikası açıqlandı
İranın "İRNA" agentliyində qeyd olunan məlumata əsasən, 300 şəhərdə hesablanmış seçki məntəqələrinin ümumi sayı 23066-dır. Bu şöbələrdə cəmi 8 milyon 379 min 341 səs sayılıb.

Hesablanan səslərə uyğun nəticələri qeyd edirik:

Səid Cəlili -  3 milyon 505 min 191 səs

Məsud Pezeşkian - 3 milyon 389 min 191 səs

Məhəmməd Baqer Qalibaf- 1 milyon 116 min 659 səs

Mustafa Purməhəmmədi- 62 min 310 səs

***
(05:21)

İranda növbədənkənar prezident seçkilərinin nəticələrinin 3-cü elan statistikası açıqlandı

İranın "İRNA" agentliyində qeyd olunan məlumata əsasən, 250 şəhərdə hesablanmış seçki məntəqələrinin ümumi sayı 17038-dir. Bu şöbələrdə cəmi 5 milyon 852 min səs sayılıb.

Hesablanan səslərə uyğun nəticələri qeyd edirik:

Məsud Pezeşkian - 2 milyon 410 min 760 səs

Səid Cəlili -  2 milyon 408 min 79  səs

Məhəmməd Baqer Qalibaf- 780 min 202 səs

Mustafa Purməhəmmədi- 40 min 428 səs

***
(05:02)

iranın "İRNA" agentliyində Hesablanmış məntəqələrin ümumi sayının 11425 olduğu qeyd olunub.

180 şəhərdəki səslərin sayıldığı bildirilir.

Hesablanan səslərə uyğun nəticələri qeyd edirik:

Məsud Pezeşkian - 1 milyon 595 min 248 səs

Səid Cəlili -  1 milyon 584 min 868 səs

Məhəmməd Baqer Qalibaf- 544 144 səs

Mustafa Purməhəmmədi- 25 538 səs

***
( 04:54)

İslahatçı Məsud Pezeşkian və mühafizəkar Səid Cəlili İranda növbədənkənar prezident seçkilərində liderlik ediblər.

İranın “Tasnim” agentliyi seçici səslərinin sayılmasının ilkin məlumatlarına istinadən məlumat yayıb. İranın Seçki Komissiyası 2,3 milyon səs sayıldıqdan sonra Pezeşkianın liderliyini təsdiqləyib.

Agentliyin məlumatına görə, Pezeşkiyan 42,6 %, Cəlil 38,8 % səs toplayıb. Agentlik mühafizəkarların ikinci namizədi - Məhəmməd Baqer Qalibafın səsləri barədə məlumat verməyib. “Tasnim”in məlumatına görə, seçkidə iştirak təxminən 40 % təşkil edib.