Putin NATO-nu tələyə saldı
Ukrayna Rusiyaya qarşı müharibədə qələbə qazanmasa, bu, NATO üçün növbəti məğlubiyyət olacaq.
Ölkə.Az xəbər verir ki, bu barədə "The Telegraph" yazır.
Nəşrin yazdığına görə, Ukraynanın NATO-ya daxil olmamasının əsl səbəbi korrupsiya ilə bağlı problemlər deyil. "Reallıqda isə çox az NATO ölkəsinin Ukraynanın təşkilat üzv olmasını istəməsidir", - The Telegraph yazır.
Nəşr yazır ki, Ukrayna NATO-ya üzv qəbul edilərsə, o zaman Alyans Rusiya ilə müharibə vəziyyətində olacaq. Rusiya Ukraynaya hücum etməklə, əslində, NATO-nu tələyə salıb. Bu səbəbdən də NATO dilemma qarşısında qalıb. Ukrayna NATO-ya üzv qəbul edilsə də, edilməsə də lənətlənəcək.
Nəşr onu da qeyd edib ki, hazırda NATO-nun əsas məqsədi Rusiyanı cilovlamaqdır. "NATO ölkələri iqtisadi və hərbi cəhətdən Rusiyadan qat-qat güclü olsa da, ancaq Moskvanın işğalçılıq siyasətini cilovlaya bilməyib. Ukraynanın Rusiya üzərində qələbə çala bilməməsi isə NATO üçün növbəti məğlubiyyət olacaq", - nəşr yazır.
Mürtəza
Ölkə.Az