İsveç geyim şirkəti kürd qadınlarından üzr istədi

Ölkə.Az xəbər verir ki, İsveç şirkəti “H&M” yaz-yay - 2015  yeni geyim kolleksiyasına görə hərbçi kürd qadınlardan üzr istəməyə məcbur olub.

 

Sentyabr ayının əvvəllərində fransız dizayner Aleksis Mabiy "zeytun rəngli" kombinezonlarını nümayiş etdirib. Bu geyim kolleksiyasının rəngi və dizaynı hərbçilərin xüsusi geyiminə öz oxşarlığı ilə seçilib.

Kürd qadınlarının paraşütçü dəstəsi “H&M” şirkətini onların geyim eskizlərini oğurlayıb öz adı ilə təqdim etməkdə ittiham edib. İsveç şirkətinin əməkdaşları baş verən hadisə ilə bağlı artıq üzr istəyiblər. Şirkətin mətbuat xidməti təəsüf hissi keçirdiyini bildirib

"Əgər biz sizi hər hansı bir yolla incitmişiksə, təəssüf edirik. İnanın ki, biz bunu nəzərdə tutmamışdıq”, - deyə xidmətdən deyilib.