Pekin Ukraynada atəşkəslə bağlı şərtləri açıqlayıb

Çin Ukraynada atəşkəsin əldə edilməsi ilə bağlı sülh danışıqları üçün şərtləri açıqlayıb.

Ölkə.Az-ın xəbərinə görə, Çin lideri Si Cinpin Macarıstanın baş naziri Viktor Orbanla görüşündə bildirib ki, Beynəlxalq ictimaiyyət Moskva və Kiyev arasında birbaşa dialoqun və danışıqların bərpası üçün şərait yaratmalı və kömək göstərməlidir.

O əlavə edib ki, yalnız bütün böyük dövlətlər mənfi enerjidən çox, müsbət enerji nümayiş etdirsələr, bu münaqişədə tezliklə atəşkəs əldə oluna bilər.

Çin lideri əlavə edib ki, hazırda əsas üç prinsipə riayət etmək lazımdır: "Münaqişənin yayılmasının qarşısını almaq, müharibənin genişlənməsinin qarşısını almaq və atəşkəsin əldə olunmasına nail olmaq. Bu məsələdə Pekinlə Budapeştin mövqeyi üst-üstə düşür".

Mürtəza
Ölkə.Az