Müşahidəçi və məntəqə üzvü qanun pozarsa...
Müşahidəçi və məntəqə seçki komissiyasının üzvü qanun pozuntusu edərsə hansı formada cəzalandırılmalıdır?
Ölkə.Az-ın bu sualına hüquqşünaslar, Demokratik Seçkilərə Dəstək Mərkəzinin prezidenti Çingiz Dadaşov və Müsavat başqanının müavini Elman Fəttah cavab verib.
Çingiz Dadaşov: "Müşahidəçi və məntəqə seçki komissiyasının üzvləri qanun pozuntusu edərlərsə ən yaxşı variantda onlar barədə akt tərtib edilir. 5 nəfər bu aktda imza çəkəndən sonra qanun pozuntusu etmiş müşahidəçi və məntəqə seçki komissiyasının üzvü məntəqədən kənarlaşdırılır. Hər şey qanun pozuntusu edənin gördüyü əməlin miqyasından asılıdır".
Elman Fəttah: "Müşahidəçi və məntəqə seçki komissiyasının üzvləri qanun pozuntusu edərlərsə onlar barədə akt tərtib edib məntəqədən uzaqlaşdıra bilərlər. Hər şey pozuntunun mahiyyətindən asılıdır".
Səxavət Məmməd
Ölkə.Az
