Azərbaycanın iki rayonunda internetin işində problem yaranıb

Biləsuvar və Cəlilabad rayonları ərazisində internetin işində problem yaranıb.

Bu barədə "Report"un Muğan bürosuna rayon sakinləri məlumat verib.

Onların sözlərinə görə, artıq 7 saata yaxındır ki, internetdən istifadə etmək çətinləşib.

Müvafiq qurumlar tərəfindən problemin həlli istiqamətində iş aparılır.