Hacı Şahindən bəhs edən film: Bir gecədə həyatı dəyişdi - VİDEO

Mərhum ilahiyyatçı Hacı Şahin Həsənlidən bəhs edən və real həyat hadisəsi əsasında çəkilən “Bir gecədə dönüş” filmi geniş ictimaiyyətə təqdim olunub.

Ölkə.Az xəbər verir ki, filmin ssenari müəllifi və rejissoru Natiq Axund sözügedən ekran işinin tam versiyasının özünün yutub kanalında yayımlayıb.

İbarətamiz və macəra filmi olan ekran işində Hacı Şahin Həsənlinin ziyarətinə gedən gəncləri yoldan bir cahil taksi sürücüsü götürür. Yol boyu baş verən təzadlı fikirlər, fərqli düşüncələr həyəcan dolu anlara, gözlənilməz nəticələrə səbəb olur.

“Bir gecədə dönüş”də həm də taksi sürücləri ilə bağlı aktual olan problemlərə də yer verilib.

Filmdə Ruhiyyə Yusif, Elizaveta Həsənova, Araz Pirimov, Nicat İsmayılov və Natiq Axund rol alıb.

Ekran işi 2 gündə 10 mindən çox baxış toplayıb.

Qeyd edək ki, filmin təqdimatı may ayında baş tutub.

Billurə Yunus