Kreml ABŞ və Almaniyanı müharibə ilə hədələdi

ABŞ-nin Almaniya ərazisində uzaqmənzilli raketlər yerləşdirmək qərarı eskalasiyanın həlqələrindən biridir və Moskva bu addıma  cavab verəcək, lakin bu, hərbi cavab olacaq.

Ölkə.Az xəbər verir ki, belə bir bəyanatla Rusiya xarici işlər nazirinin müavini Sergey Ryabkov çıxış edib.

“Bu hərəkətlər ilk növbədə ölkəmizin təhlükəsizliyinə xələl gətirmək məqsədi daşıyır. Reaksiyamızın xarakteri sakit, peşəkar şəkildə müəyyən ediləcək. Şübhəsiz ki, ordu bu mesajı artıq nəzərə alıb. Sakit, emosiyalar olmadan biz ilk növbədə yeni təhlükəyə hərbi cavab hazırlayacağıq”, - Ryabkov bildirib.

Qeyd edək ki, iyulun 10-da dərc olunan Vaşinqton və Berlinin birgə bəyanatına əsasən ABŞ 2026-cı ildən Almaniyada “yeni atəş silahları” yerləşdirməyə başlayacaq. Burada söhbət SM-6 çoxməqsədli raketlərdən, "Tomahawk" qanadlı raketlərindən və qeyri-nüvə avadanlıqlarında olan hipersəsli raketlərindən gedir.

Mürtəza
Ölkə.Az