Müxalifət nümayəndələri seçkilərin gedişindən danışdılar

Ölkə.Az-ın çəkiliş qrupu paytaxtın bir sıra məntəqələrinə baş çəkib və  bu məntəqlərindəki müxalifət partiyalarının namizədlərinin nümayəndələri ilə söhbət edib.

Söhbət zamanı müxalifət nümayəndələri seçkinin gedişindən razılıq ediblər və seçki prosesinin tam şəffaf və demokratik keçirildiyini qeyd ediblər. Müxalif partiyaların seçkiləri müşahidə edən bəzi nümayəndələrinin fikrlərini sizə təqdim edirik:

Bütöv Azərbaycan Xalq Cəbhəsi partiyasının müşahidəçisi Almaz Əşrəfova: "Müşahidə etdiyim zaman görmüşəm ki, saat 08:00-da seçki məntəqəsi açıldı. Seçki dövlət himninin səsləndirilməsi ilə başladı. Seçicilərin səhər saatlarında fəallığı çox aşağı idi. Hələ ki, problemlə qarşılaşmamışıq. Hələ ki, kobud qanun pozuntusu müşahidə etməmişik".

Milli Dirçəliş hərəkatının müşahidəçisi Allahverdiyeva Amaliya: "Seçkilər normal keçir. Heç bir kobud qanun pozuntusu ilə qarşılaşmamışıq. Məntəqəyə xarici müşahidəçilər də gəldilər. Hələ ki, hər şey qaydasındadır".

Yalçın Baloğlanovun müşahidəçisi Qasımov Niyazi: "Hal-hazırda 19 saylı məntəqədəyik. Xırda problemlərin olmasına baxayaraq seçki prosesi normal gedir. Kobud qanun pozuntusu ilə qarşılaşmamışıq".

 

Səxavət Məmməd

Fotolar: Nurlan Gülməmmədov

Ölkə.Az