İrəvanla Bakı arasındakı sülh Qafqaza sabitlik gətirəcək - Kolomina
Cənubi Qafqaz regionunda sabitlik NATO üçün çox əhəmiyət kəsb etdiyindən Alyans İrəvanla Bakı arasında ABŞ və Aİ-nin iştirakı ilə sülh prosesinə dəstək verməkdədir.
Ölkə.Az xəbər verir ki, bunu NATO baş katibinin Qafqaz və Mərkəzi Asiya üzrə xüsusi nümayəndəsi Xavyer Kolomina deyib.
“Biz Ermənistanla Azərbaycan arasında münasibətlərin normallaşması prosesini, sülhün bərqərar olmasına və onlar arasında uzunmüddətli sülh sazişinin bağlanmasına yönəlmiş danışıqları qətiyyətlə dəstəkləyirik. Biz tərəfdaşlarımızı düzgün istiqamətə aparmağa çalışırıq. Bizim üçün isə düzgün yol münasibətləri tənzimləməkdir. Çünki bu, Qafqaza sabitlik gətirəcək”, - Kolomina bildirib.
O əlavə edib ki, Qafqaz Qara dəniz regionuna birbaşa təsir edir və Qara dəniz NATO-nun strateji maraqları regionudur.
"Deməli, regionda sabit olması bizim marağımızdır, çünki qeyri-sabitlik bizə təsir edir", - Kolomina qeyd edib.
Mürtəza
Ölkə.Az
