Türkiyəli aktrisa 7 ildən sonra ilk dəfə filmə çəkiləcək
Türkiyəli aktyor Kənan İmirzalıoğlu ilə evləndikdən sonra iki qız övladı dünyaya gətirən Sinem Kobal çəkiliş meydançalarına filmlə qayıdır.
BAKU.WS xəbər verir ki, filmin çəkilişi bir aydan sonra başlayacaq.
Ötən həftələrdə "Karşılamamalar" serialında qonaq olan Kobal 7 illik fasilədən sonra film layihəsinə imza atıb.
“Her Şeyin Başı Merkur” adlı film Ayşe Balibeyin eyni adlı astroloji komediya kitabı əsasında çəkiləcək. Kitabda müharibə müxbiri olmaq arzusunda olan, lakin jurnallardan birində bürc yazarı kimi çalışan əyləncəli gənc qızın - Elifin hekayəsindən bəhs edilir.
Prodüserliyi Emre Oskay olan filmin ssenari müəllifi Ayşe Balibey, rejissoru isə Ali Balcı olacaq.
Qeyd olunub ki, hazırda Sinem Kobalın tərəf müqavili ilə bağlı danışıqlar davam edir.
