Mətn ölçüsü:
  • 100%

Parlament seçkiləri 2015: Məntəqələrdən

Seçki prosesini yerində izləmək üçün Ölkə.Az-ın çəkiliş qrupu paytaxtın bir neçə dairə və məntəqlərində olub.

Əməkdaşlarımızın məntəqələrdə gördüklərimizi, komissiya sədrlərinin və müşahidəçilərin seçki prosesi ilə bağlı fikirlərini sizə təqdim edirik:

Baş çəkdiyimiz məntəqələr səsverənlərin azlığını müşahidə edirik. Məntəqədəki seçki komissiyasının üzvləri və müşahidəçilər tez-tez saatlarına baxır və hər kəs yorğun, seçkinin bitmə vaxtını gözləyir. Olduğumuz məntəqələrdə heç bir qanun pozuntusu ilə qarşılaşmırıq, səsvermə sakit şəraitdə keçir. Hər girdiyimiz məntəqədə qeydiyyatdan keçib, məntəqə sədri və müşahidəçilərlə çox rahat söhbət edə bildik.

20 saylı Nərimanov seçki dairəsi, 26 saylı məntəqənin sədri Aslanov Mətləb Bayram oğlu: "Seçki əvvəlki seçkilərlə müqayisədə çox fəal keçir. Hər şey obyektivdir. Daha doğrusu bu seçki bundan öncəki seçkilərə nisbətən təkmilləşib. MSK və xarici müşahidəçilər məntəqəmizdə oldu. Heç bir narazıçılıq olmayıb. Hər şey qaydasındadır".

20 saylı Nərimanov seçki dairəsi, 26 saylı məntəqənin sədri Əliyeva Elnarə: "Seçicilər çox faldır. İndiyə qədər heç problemlə qarşılaşmamışıq. Saat 10-dan sonra seçicilər daha da fəal oldular. Saat 10.00-dan 17:00-a kimi seçicilərin fəallığı ən yüksək səviyyədə olub. Gürcüstandan olan xarici müşahidəçilər də məntəqəmizdə oldular. Onlar da məntəqəmizin işindən razılıq etdilər".

8 Saylı Binəqədi seçki dairəsi, 39 saylı məntəqə sədri Sənubər Əhmədova: "Seçkilər normal gedir. Hələ ki, narazılıqla qarşılaşmamışıq. Seçicilərin gəliş-gedişi çox deyil, ancaq var. Bizim məntəqədə seçicilərin fəallığı saat 12-dən sonra artmağa başladı. Xarici müşahidəçilər də məntəqəmiziə gəldi. İki dəfə Türkiyədən olan müşahidəçilər məntəqəmizdə oldular. Türkiyəli müşahidəçilər işin gedişindən çox razılıq etdilər".

8 Saylı Binəqədi seçki dairəsi, 21 saylı məntəqə sədri İsmayılova Amaliya: "Seçkilər gözlədiyimizdən də yaxşı keçir. Aktivlik hiss olunur. Seçkinin bitməsinə bir saat yarım qalıb, seçicilər hələ də gəlir. Seçicilər daha çox günortadan sonra gəlməyə başladılar. Seçicilərin səhər tezdən gəlməsinə havanın soyuq olmasının da təsiri oldu . Xarici müşahidəçilər məntəqəmizdə olub. İki qrup Türkiyədən, ABŞ-dan, Pakistandan və Filippindən nümayəndələr gəldi. Heç bir qanun pozuntusu olmayıb. Müşahidəçilərdən soruşa bilərsiniz".

8 Saylı Binəqədi seçki dairəsi, 19 saylı məntəqə sədri Əhmədova Solmaz: "Seçkilər əla gedir. Hər şey şəffafdır. Seçicilərin fəallığı yüksək dərəcədir. Günortaya qədər seçicilər daha çox gəldi. Heç bir qanun pozuntusu olmayıb. Xarici müşahidəçilər də məntəqəmizdə oldu. Yerli müşahidəçilər və jurnalistlər məntəqəmizə dəfələrlə gəldi. Narazılıq edənlə qarşılaşmamışıq.

8 Saylı Binəqədi seçki dairəsi, 20 saylı məntəqə sədri Elçin Xudiyev: "Seçicilər günorta vaxtı aktiv idi. İndi durğunluqdur. Seçicilər daha çox günortadan sonra gəlməyə başladı. Xarici müşahidəçilər də çox gəldi".

 

Səxavət Məmməd

Fotolar: Nurlan Gülməmmədov

Ölkə.Az