Bu hərəkətlər üçüncü tərəfə qarşı yönəlməyib - Çin MN

Çin və Rusiyanın Sakit okeanda patrul fəaliyyəti heç kimə qarşı yönəlməyib.

"Ölkə.az" xəbər verir ki, bu barədə Çin Xalq Respublikasının Müdafiə Nazirliyi bəyanat yayıb.

"Çin və Rusiya arasında illik razılaşmalara uyğun olaraq, bu yaxınlarda hər iki ölkənin hərbi dəniz birləşmələri Sakit Okeanın qərb və şimal hissələrinin müvafiq sularında 4-cü birgə dəniz patruluna başlayıb", - Müdafiə Nazirliyindən bildirilib.

Bəyanatda qeyd edilir ki, bu hərəkətlər üçüncü tərəfə qarşı yönəlməyib, eləcə də mövcud beynəlxalq və regional vəziyyətlə heç bir əlaqəsi yoxdur.