Messi zədələndi, ağladı, çempion oldu - VİDEO

Leo Messi ayaq biləyindəki zədə səbəbindən Kopa Amerika finalında əvəzlənib.

Ölkə.Az xəbər verir ki, meydanı erkən tərk edən superulduz göz yaşlarını saxlaya bilməyib. 

Matçın əsas vaxtı 0:0 hesablı heç-heçə ilə yekunlaşıb. Oyunun 112-ci dəqiqəsində Argentina millisinin hücumçusu hesabı açıb.

Qolu Lautaro Martines vurub. Bununla da Argentina 16-cı dəfə turnirin qalibi olub və Uruqvay yığmasını üstələyərək Amerika Kubokunda qələbə sayına görə yeganə lider olub.

Xatırladaq ki, Mayamidə Amerika Kubokunun final matçının startı “Hard Rock” stadionunun girişində yaranan izdiham səbəbindən bir saatdan çox gecikib.