Təyyarə qəzaya uğradı
Serbiyada ölümlə nəticələnən təyyarə qəzası baş verib.
Hadisə ötən gün Serbiyada Novi-Sad yaxınlığında Baçki-Yarak kəndində yaşanıb. “Sky Lider 600” adlı kiçik idman təyyarəsinin qəzasında iki nəfərin həlak olduğu bildirilir.
Serb xəbər agentliyinin bildirdiyinə görə, təyyarə qarğıdalı sahəsinə düşüb.
Qəzanın səbəbləri hələ məlum deyil. Hadisə yerində hazırda polis işləyir.
Uçuş yeni şəxsi aerodromun açılışı ilə əlaqədar olub. Təntənəli mərasimdə çoxsaylı qonaqlar iştirak edib.(anspress)
