"Mən doğulmayım deyə anam zəhər içib, hündürlükdən tullanıb"

58 yaşı tamam olan türkiyəli məşhur müğənni Yıldız Tilbe arzu olunmayan övlad olduğunu deyib.

Ölkə.Az “hürriyet”ə istinadla xəbər verir ki, o, bu barədə konserti zamanı danışıb:

“Rəhmətlik anam 6 qız dünyaya gətirib. Mənə hamilə olanda “bu da qız olar” düşüncəsi ilə dərman içib özünü zəhərləyib, hündürlükdən tullanıb, amma nə etsə də, məni itirə bilməyib. Mənə “çəkəcəyin var imiş” deyirdi. Sizinlə görüşmək qismətdə var imiş.

Atam bizə “sizin bir dırnağınızı 10 kişiyə dəyişmərəm” deyirdi. Kaş ki, bütün atalar qızlarını belə sevərdi. Atam bizi o qədər çox sevirdi ki, sonra heç bir sevgi məni razı sala bilmədi”.

Ölkə.Az