Mərkəzi Bank kredit qoyuluşunun azalması məsələsinə aydınlıq gətirdi

2015-ci il oktyabrın 1-nə olan məlumata görə, Azərbaycan kredit təşkilatları tərəfindən 19 milyard 113,5 manat kredit qoyuluşunun 7 milyard 592,2 milyon manatı ev təsərrüfatlarına (istehlak kreditləri - red.) aid olub.

Ölkə.Az-ın məlumatına görə, bu barədə Azərbaycan Mərkəzi Bankının (AMB) sentyabr ayının yekunlarına aid açıqladığı hesabatda deyilib. 

AMB qeyd edib ki, kredit təşkilatları tərəfindən verilən istehlak kreditlərinin cəmi kreditlərdə xüsusi çəksisi isə 38,2%-dən, 39,7%-ə qalxıb. 

Qeyd edək ki, verilən istehlak kreidtlərinin ən pik həddi 2015-ci ilin martın 1-də qeydə alınıb, 8 milyard 416,7 milyon manat.  

Cari ilin əvvəlində, eləcə də fevralın 1-nə olan hesabata görə, istehlak kreditlərinin cəmi kreditlərdə xüsusi çəkisi nə az nə çox 44% olub.

AMB-dən onu da qeyd ediblər ki, kredit qoyuluşlarının azalmasına Beynəlxalq Bankda aparılan restrukturizasiya tədbirləri səbəb olub.

Qeyd edək ki, avqust ayı ilə müqayisədə sentyabrda iqtisadiyyata kredit qoyuluşu 982,3 mln. manat və ya 4,89% azalıb.

Ölkə.Az