İlham Əliyev Rumıniya prezidentinə başsağlığı verdi

Azərbaycan prezidenti İlham Əliyev Rumıniya prezidenti Klaus İohannisə başsağlığı verib.

Başsağlığı məktubunda deyilir: “Buxarest şəhərindəki gecə klubunda baş vermiş yanğın nəticəsində çoxsaylı insan tələfatı xəbəri məni olduqca kədərləndirdi.

Bu faciə ilə əlaqədar Sizə, həlak olanların ailələrinə və yaxınlarına, bütün Rumıniya xalqına öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm”.