\"Təklif edirəm seçki prosesi də ASAN XİDMƏTə verilsin\"

Lənkəran Şəhər 73 saylı seçki dairəsindən favorit namizəd olan Hüseyn Cavadzadə sosial şəbəkədəki rəsmi hesabı vasitəsilə seçicilərinə müraciət ünvanlayıb. müraciətdə deyilir:

"ƏZİZ DOSTLAR! Rəhmətlik Heydər Əliyev söyləyib ki: "Xalqın, Vətənin taleyi hər bir insanın taleyinə çevrilməlidir!" Mən də hər zaman həyata,həmvətənlərimə belə yanaşmışam. Və bunun üçün bəzi üzdəniraq məmurların vəzifə səlahiyyətlərindən sui -istifadə etmələri üzündən "demokratik seçki" utopiya kimi görünsə də xalqımızın dəstəyi, dövlətimizin qanunlarına arxayın olub seçki prosesinə qatıldım.

Dünən Lənkəranda mənim və ətrafımın yaşadıqlarını bir statusla ifadə etmək olmaz. Artıq günün ilk hissəsində yaxınlarımın, komandamın həbsləri başladı. Daha sonra isə "Seçki" karuselində, topa-topa bülitenləri atanlara müdaxilə edən Bakıdan gələn müşahidəçilərimə ciddi təyziqlər oldu. Biz itirmədiyimiz abırımıza, həyamıza, tərbiyəmizə sığınıb seçkini artıq saxtalaşdırmış belə tərbiyəsiz və şərəfsizlərlə mübarizə apara bilməyəcəyimizi anlayıb geri çəkildik. Amma işimiz bununla bitmədi. Bizim müşahidəçilər seçki boyu saxtakarlıqlara müdaxilə etməyib onları videolentə alıblar.

Artıq ən yuxarı instansiyalara mənim yaxınlarıma, lənkərandakı seçicilərimə olunan təyziqlərlə bağlı məlumat verilib və hazırlanan videohesabat da göndərilib. Mən bilirəmki səhifəmi dostlarımla bərabər bəzi "xəfiyyələr" də izləyir. Onlara sözüm gedin işinizlə məşğul olun. Mən Lənkərana sizinlə mübarizə aparmaq üçün yox lənkəranlılar üçün gəlmişdim. Bu müddət ərzində siz mənim gücümün bir hissəsini gördünüz elə etməyin davamını da görəsiz! Haqq uğrunda mübarizəmiz davam edəcək. Şükür ALLAHa Lənkəran şengen zona deyilki orda işlər görmək, həmvətənlərimin yanında olmaq üçün sizdən icazə almaq lazım olsun.

Mən hər zaman həmvətənlərimin yanında olacağam! Və Lənkəranlılara xüsusi təşəkkür etmək istəyirəm. Siz hər biriniz iradəniz,xarakteriniz, mənəviyyatınızla sübut etdiniz ki XAN Lənkəranlısız! Çox sevindimki hələ manqurtlaşmayan əhali var. Və biz sizinlə az deyilik! Minnətdaramki biz bu seçkilərdə həmrəyliyimizlə SEÇİLDİK! Birlikdə davam edirik Yeni Azərbaycanda Yeni Lənkəran üçün!

P.S. Təklif edirəm seçki prosesi də ASAN XİDMƏTə verilsin"

Qeyd edək ki, bütün ictimia rəy sorğuları və online səsvermələrdə büyük üstünlüklə birinci olan gənc seçki prosesində qalib ola bilməyib. O bir neçə gün əvvəl Lənkəran şəhərində seçki saxtakarlığı ilə bağlı Lənkəran İcra Hakimiyyətinin, DSK sədrinin planlarını ölkə başçısına müraciətində ifşa etmişdi.

Ölkə.Az